آپؐ پر لاکھوں درود اور آپؐ پر لاکھوں سلام – نعتیہ کلام

ماہنامہ ’’احمدیہ گزٹ‘‘ کینیڈا نومبر 2012ء میں مکرم پروفیسر محمد اسلم صابر صاحب کا نعتیہ کلام شائع ہوا ہے۔ اس نعت میں سے انتخاب ہدیۂ قارئین ہے:

آپؐ پر لاکھوں درود اور آپؐ پر لاکھوں سلام
ہو قبولِ بارگاہ یہ ہدیہ از احقر غلام
لفظ نکلے آپؐ کے سب کوثر و تسنیم سے
اِک جہاں زندہ ہوا ہے آپؐ کی تعلیم سے
بے ہنر بے علم لوگوں کو مرے پیارے رسولؐ
آپؐ نے سکھلائے آکر کیا عجب زرّیں اصول
دیکھتے ہی دیکھتے وہ قوم لائق ہوگئی
اور سب اقوامِ عالم پر وہ فائق ہوگئی
سیکھ لیں انساں نے پھر توحید کی باریکیاں
ہوگئیں عنقا دلوں سے شرک کی تاریکیاں
رحمۃٌللعالمیں ہے آپؐ کا قدسی وجود
آپؐ پر لاکھوں سلام اور آپؐ پر لاکھوں درود

50% LikesVS
50% Dislikes

اپنا تبصرہ بھیجیں