اپنے رہبر سے قدم ہم کو ملانے ہوں گے – نظم

(مطبوعہ ’’الفضل ڈائجسٹ‘‘، الفضل انٹرنیشنل لندن 3دسمبر 2021ء)
روزنامہ ’’الفضل‘‘ ربوہ 27؍اپریل 2013ء میں مکرمہ امۃالباری ناصر صاحبہ کی ایک نظم بعنوان ’’نئے عزم‘‘ شامل اشاعت ہے۔ اس نظم میں سے انتخاب ہدیۂ قارئین ہے:

اپنے رہبر سے قدم ہم کو ملانے ہوں گے
اب عبادات کے معیار بڑھانے ہوں گے
ساری دنیا کو خدا پاک کا رنگ دینا ہے
اب نئے ارض و سما ہم کو بنانے ہوں گے
جو دیا مولا نے سب اُس کو ہی لَوٹانا ہے
خود کو بیچا ہے تو اقرار نبھانے ہوں گے
معاملے سیدھے، کھرے، صاف ہی رکھنے ہوں گے
اس کی درگہ میں کہاں عذر بہانے ہوں گے
اس بھری دنیا میں کوئی بھی نہیں جائے پناہ
اِک فقط آپؐ کے سائے میں ٹھکانے ہوں گے