حبیبؐ کبریا کے نام پر اک رات ہو جائے … نعت

(مطبوعہ ’’الفضل ڈائجسٹ‘‘، الفضل انٹرنیشنل لندن سیرۃالنبیﷺ نمبر 6؍اکتوبر 2022ء)

روزنامہ’’الفضل‘‘ربوہ 20؍جنوری 2014ء میں مکرم مبارک احمد ظفر صاحب کا نعتیہ کلام شامل اشاعت ہے۔ اس نعت میں سے انتخاب ہدیۂ قارئین ہے:

حبیبؐ کبریا کے نام پر اک رات ہو جائے
محمدؐ مصطفیٰ کی شان میں اک نعت ہو جائے
درود و ذکر محبوبِ خدا کچھ اس طرح سے ہو
کہ دن پھر عید کا دن، شب، شب بارات ہو جائے
چڑھے سورج نیا حسنِ عمل کا اپنی دنیا میں
کہ ہر اک فکرِ شیطانی کو جس سے مات ہو جائے
مری شاخِ تمناّ پر بہاروں پہ بہار آئے
جو نورِ مصطفائی کی اگر برسات ہو جائے
کوئی نظرِ عنایت ہو مری ناچیز ہستی پر!
معزز دو جہانوں میں مری اوقات ہو جائے
مری عرضی تبھی مقبول ہو گی اے مرے آقا!
ترے مہرِ وسیلہ سے اگر اثبات ہو جائے
ظفرؔ ایسے گدا سے شاہ بھی پھر فیض پاتے ہیں
عطا جس کو در احمدؐ سے کچھ خیرات ہو جائے

مبارک احمد ظفر صاحب
50% LikesVS
50% Dislikes

اپنا تبصرہ بھیجیں

ur اردو
X