زمیں سے پھوٹے گی پھر فصلِ گُل کی رعنائی- نظم

(مطبوعہ ’’الفضل ڈائجسٹ‘‘، الفضل انٹرنیشنل لندن یکم جنوری 2021ء)

مجلس انصاراللہ جرمنی کے سہ ماہی‘‘الناصر’’اپریل تا جون 2012ء میں ایک محفل مشاعرہ کی رپورٹ شائع ہوئی ہے۔ اس رپورٹ میں شامل جناب عبدالجلیل عباد صاحب کے نمونہ کلام میں سے انتخاب ہدیۂ قارئین ہے:

زمیں سے پھوٹے گی پھر فصلِ گُل کی رعنائی
پھریں گے قافلے خوشبو کے گاؤں گاؤں میں
وہ بخش دے گا نئی زندگی زمینوں کو
وہ پھونک دے گا نئی روح ان فضاؤں میں
خدا کے ہاتھ کا پودا پھلے گا پھولے گا
پرندے چَین سے بیٹھیں گے اس کی چھاؤں میں