اے رات! ستاروں سے کہہ دے ، گلشن کی بہاروں سے کہہ دے – نظم

ماہنامہ ’’احمدیہ گزٹ‘‘ کینیڈا جون 2010ء میں مکرم ڈاکٹر مہدی علی چودھری صاحب کی نظم ’’ہمارا عزم‘‘ شائع ہوئی ہے۔ اس نظم میں سے انتخاب پیش ہے:

اے رات! ستاروں سے کہہ دے ، گلشن کی بہاروں سے کہہ دے
ہم ڈرتے نہیں طوفانوں سے ، موجوں کے اشاروں سے کہہ دے
تھامے ہیں محبت کا پرچم ، ہم اہل صفا ، ہم اہل حرم
ہر بازی تم کو مات کریں ، نفرت کے ماروں سے کہہ دے
ہم صبر و رضا کے بحر کراں ، ہم عزم و وفا کے کوہ گراں
مٹ جاؤ گے ، ہم سے الجھو تو ، جا کفر کے دھاروں سے کہہ دے
سب کوہ و دمن، سب دشت و چمن ، گونجیں گے اللہ اکبر سے
حق آئے گا ، تم بھاگو گے ، باطل کے یاروں سے کہہ دے