بے تاب روز و شب ہیں ، لطافت تمام شُد – نظم

ماہنامہ ’’النور‘‘ امریکہ مارچ 2012ء میں مکرم راجہ محمد یوسف صاحب کی ایک نظم شائع ہوئی ہے۔ اس نظم میں سے انتخاب پیش ہے:

بے تاب روز و شب ہیں ، لطافت تمام شُد
یعنی خیالِ یار کی لذّت تمام شُد
ارباب حل و عقد کو کچھ سوجھتا نہیں
سیلِ ہوس میں دانش و حکمت تمام شُد
بے درد حکمران تو بے فیض ائمہ
یہ سب اگر رہے تو ریاست تمام شُد
پھر سر بکف چلے ہیں سوئے دار نعرہ زن
ضبطِ فغاں کی لمبی ریاضت تمام شُد
ہو شہرِ دلفگار میں اِک رقصِ بے خودی
اس دلرُبا کی یاد میں خلوت تمام شُد
کیفِ اُمیدِ وصل سے سرشار ہے بدن
دشتِ غمِ فراق کی وحشت تمام شُد