جو راہ حق میں دیا سو سروں کا نذرانہ – نظم

روزنامہ ’’الفضل‘‘ ربوہ 8 جون 2010ء میں مکرم عبدالکریم قدسی صاحب کی ایک نظم شائع ہوئی ہے جس میں شہدائے لاہور کو خراج عقیدت پیش کیا گیا ہے۔ اس نظم سے انتخاب پیش ہے:

جو راہ حق میں دیا سو سروں کا نذرانہ
خدائے عزّوجل تُو قبول فرمانا
ہراس و خوف کی کوئی رمق نہیں دل میں
کہ کارزارِ محبت میں کیسا گھبرانا
جو کر رہے ہو خدا سے چھپاؤ گے کیسے
فقیہہ مصلحت بِیں کو یہ بات سمجھانا
مجھے پہنچنا ہے صبر و رضا کی منزل پر
اے سیلِ اشک مرے راستے سے ہٹ جانا
جو عہدِ بیعت کیا اس کی پاسداری کو
لہو سے دستخط ہم کر رہے ہیں روزانہ

50% LikesVS
50% Dislikes

اپنا تبصرہ بھیجیں