خدا نے کہہ دیا ’اِنّیْ مَعَکَ‘ … نظم

(مطبوعہ ’’الفضل ڈائجسٹ‘‘، الفضل انٹرنیشنل لندن 3؍فروری 2023ء)
روزنامہ’’الفضل‘‘ربوہ 14؍فروری 2014ء میں مکرم ڈاکٹر طارق احمد مرزا صاحب کی ایک نظم شامل اشاعت ہے۔ اس نظم میں سے انتخاب پیش ہے:

خدا نے کہہ دیا ’اِنّیْ مَعَکَ‘
فرشتے کر رہے ہیں صاف راہیں
وہ ’مسرور‘ آگے بڑھتا جا رہا ہے
جلَو میں ہیں ملائک کی سِپاہیں
وہ بولے جب دفاعِ دینِ حق میں
عدُو ہوں دَم بخود ، اپنے سراہیں
عجب مشکل سی یارو آ پڑی ہے
اُسے لکھیں، اُسے دیکھیں یا چاہیں
بھرے خلوت میں جلوے ایم ٹی اے نے
مکانوں میں سجی ہیں جلسہ گاہیں
ملی توفیق تجدیدِ وفا کی
دعا ہے عہدِ بیعت بھی نباہیں
ہمارا چاہنا ، نہ چاہنا کیا
ہمیں منظور وہ ، جو آپ چاہیں
یہ دنیا پُرخطر وحشت سرا ہے
خدا کے پاس ہیں ساری پناہیں
کبھی ضائع نہیں کرتا وہ طارقؔ
قیامُ الّیل اور سجدوں کی آہیں

ڈاکٹر طارق احمد مرزا صاحب
50% LikesVS
50% Dislikes

اپنا تبصرہ بھیجیں