مکرم صوفی محمد اسحاق صاحب کی وفات

روزنامہ ’’الفضل‘‘ ربوہ 6؍اگست 2004ء کے مطابق مکرم مولانا صوفی محمد اسحاق صاحب 4؍اگست کو بعمر قریباً 81 سال وفات پاگئے۔ آپ نماز عصر کے لئے مسجد تشریف لے گئے تھے، ہارٹ اٹیک کی وجہ سے وہاں ہی وفات ہوگئی۔

آپ نے مولوی فاضل اور بی اے پاس کرکے 15؍اگست 1945ء کو زندگی وقف کی۔ بیرون ملک پہلی مرتبہ 26؍نومبر 1945ء کو سیرالیون روانہ ہوئے۔ آپ کو لائبیریا ، کینیااور یوگنڈا میں بھی خدمات کی توفیق ملی۔ اس کے علاوہ آپ دفاتر تحریک جدید اور جامعہ احمدیہ میں بھی کام کرتے رہے۔