کیا کیا نہ توؐ نے ہم پر احسان کر دیا ہے – نظم

ماہنامہ ’’احمدیہ گزٹ‘‘ کینیڈا فروری 2009ء میں شامل اشاعت مکرم چوہدری محمد علی مضطر عارفی صاحب کی ایک نعت سے انتخاب پیش ہے:

کیا کیا نہ توؐ نے ہم پر احسان کر دیا ہے
ساری صداقتوں کا اعلان کر دیا ہے
قول و عمل کو ایسا یکجان کر دیا ہے
ہر حرکت و سکوں کو قرآن کر دیا ہے
تیری نظر نہیں تھی ، اک معجزہ تھا جس نے
حیوان کو اُٹھا کر انسان کر دیا ہے
دریا بنا دیا ہے قطرے کو اک نظر سے
جس لہر کو چُھوا ہے طوفان کر دیا ہے

50% LikesVS
50% Dislikes

اپنا تبصرہ بھیجیں