خدا کی راہ میں جو جاں نثار کرتے ہیں – نظم

روزنامہ ’’الفضل‘‘ ربوہ 7نومبر 2008 ء میں مکرم چوہدری شبیر احمد صاحب کا کلام شامل اشاعت ہے۔ اِس کلام میں سے انتخاب ہدیۂ قارئین ہے۔

خدا کی راہ میں جو جاں نثار کرتے ہیں
ملائکہ بھی انہیں دل سے پیار کرتے ہیں
قیام ہوتا ہے ان کا خدا کی جنت میں
خدا کا ذکر وہ لیل و نہار کرتے ہیں
رضائے باری تعالیٰ ہے مال و زر ان کا
ہمارے دل انہیں زندہ شمار کرتے ہیں
بروزِ حشر تو ہو گا لہو لہو کا حساب
اسی یقین پہ صبر و قرار کرتے ہیں