خود مدّتوں تُو مسندِ انصاف پر رہا – نظم

روزنامہ ’’الفضل‘‘ ربوہ 21؍جولائی 2010ء میں مکرم منیر احمد شیخ صاحب امیر جماعت لاہور کی شہادت کے حوالہ سے مکرم عبدالمنان ناہید صاحب کا کلام شامل اشاعت ہے۔ اس کلام میں سے انتخاب ہدیۂ قارئین ہے:

خود مدّتوں تُو مسندِ انصاف پر رہا
انصاف کون دے گا تجھے تیرے قتل کا
جس وقت جا نماز تری تھی لہو لہو
تُو درس دے رہا تھا درود و سلام کا
لے کر اک اپنے ساتھ شہیدوں کا قافلہ
اپنے خدا کے پاس تُو کس شان سے گیا
مَیں کس کو داد دوں ترے اس انتخاب کی
مر کر بھی کر گیا تُو قیادت کا حق ادا