چشمۂ راحت رواں ہے دیکھ لو … نظم

(مطبوعہ ’’الفضل ڈائجسٹ‘‘، الفضل انٹرنیشنل لندن 26؍ جولائی تا 08؍ اگست 2022ء(سالانہ نمبر))

روزنامہ’’الفضل‘‘ربوہ 23؍مئی 2014ء میں مکرم عبدالصمد قریشی صاحب کی ’’خلافت احمدیہ‘‘ کے حوالے سے کہی جانے والی ایک نظم شاملِ اشاعت ہے۔ اس نظم میں سے انتخاب ہدیۂ قارئین ہے:

چشمۂ راحت رواں ہے دیکھ لو
ہر کوئی اب شادماں ہے دیکھ لو
گلشنِ احمدؑ پہ چھائی ہے بہار
اس پہ جنت کا گماں ہے دیکھ لو
اس میں ہے امن و سکون و آشتی
عافیت کا یہ مکاں ہے دیکھ لو
اس خلافت کی گھنیری چھاؤں میں
اِک سکونِ بےکراں ہے دیکھ لو
اس کا چہرہ نُور میں ڈوبا ہوا
اِک صداقت کا نشاں ہے دیکھ لو
دل کی ہر دھڑکن میں اس کا نام ہے
وہ امیدوں کا جہاں ہے دیکھ لو
اِک فقط ہم ہی نہیں اس پر فدا
وہ بھی ہم پر مہرباں ہے دیکھ لو