علاج درد دل تم ہو ہمارے دلرُبا تم ہو … مناجات

(مطبوعہ ’’الفضل ڈائجسٹ‘‘، الفضل انٹرنیشنل لندن 16؍ ستمبر 2022ء)
روزنامہ ’’الفضل‘‘ ربوہ 2؍اکتوبر 2013ء میں حضرت ڈاکٹر میر محمد اسماعیل صاحب کی نظم ’’مناجات‘‘ شاملِ اشاعت ہے۔ اس خوبصورت نظم میں سے انتخاب ہدیۂ قارئین ہے:

حضرت ڈاکٹر میر محمد اسماعیل صاحبؓ

علاج درد دل تم ہو ہمارے دلرُبا تم ہو
تمہارا مدّعا ہم ہیں ہمارا مدّعا تم ہو
مری خوشبو ، مرا نغمہ ، مرے دل کی غذا تم ہو
مری لذّت ، مری راحت ، مری جنّت شہا تم ہو
مرے دلبر ، مرے دلدار ، گنجِ بےبہا تم ہو
صنم تو سب ہی ناقص ہیں فقط کامل خدا تم ہو
مرے ہر درد کی، دکھ کی ، مصیبت کی دوا تم ہو
رجا تم ہو ، غنا تم ہو ، شفا تم ہو ، رضا تم ہو
مرا دن تم سے جگمگ ہے ، مری شب تم سے ہے جھم جھم
مرے شمس الضحیٰ تم ہو ، مرے بدرالدجیٰ تم ہو
تمہی مخفی ہو ہر لَے میں ، تمہی ظاہر ہو ہر لَے میں
ازل کی ابتدا تم ہو ، ابد کی انتہا تم ہو

50% LikesVS
50% Dislikes

اپنا تبصرہ بھیجیں