میں دیتا ہوں تم کو قسم ساتھیو! – نظم

روزنامہ ’’الفضل‘‘ ربوہ 23؍اگست 2010ء میں مکرم اطہر حفیظ فراز صاحب کی نظم بعنوان ’’نہ اُکھڑیں کبھی یہ قدم ساتھیو‘‘ شامل اشاعت ہے۔ اس نظم میں سے انتخاب ہدیۂ قارئین ہے:

میں دیتا ہوں تم کو قسم ساتھیو!
کہ اب یوں نہ بچھڑیں گے ہم ساتھیو!
محبت کا قصہ، وفا کی کہانی
لہو سے کریں گے رقم ساتھیو!
قیامت سے بڑھ کے قیامت یہ تھی
ہو صبر و تحمل بہم ساتھیو!
دلوں سے ہمارے نکالے جو دیں
کہاں کس میں اتنا ہے دم ساتھیو!
خدا کو پکارو! دعائیں کرو!
وہ وعدوں کا رکھے بھرم ساتھیو!