السلام! اے ہادیٔ راہِ ہدیٰ جانِ جہاں – نعتیہ کلام

(مطبوعہ ’’الفضل ڈائجسٹ‘‘، الفضل انٹرنیشنل لندن 4 دسمبر2020ء)

مجلس انصاراللہ جرمنی کے سہ ماہی ’’الناصر‘‘ اکتوبر تا دسمبر 2012ء میں شامل اشاعت حضرت سیّدہ نواب مبارکہ بیگم صاحبہ کے خوبصورت نعتیہ کلام میں سے انتخاب پیش ہے:

السلام! اے ہادیٔ راہِ ہدیٰ جانِ جہاں
والصلوٰۃ اے خیرِ مطلق اے شہِ کون و مکاں
تیرے ملنے سے ملا ہم کو وہ ’’مقصود حیات‘‘
تجھ کو پاکر ہم نے پایا ’’کامِ دل‘‘ آرامِ جاں
آپ چل کر تُو نے دکھلا دی رہِ وصلِ حبیب
تُو نے بتلایا کہ یوں ملتا ہے یارِ بے نشاں
تشنہ روحیں ہو گئیں سیراب تیرے فیض سے
علم و عرفانِ خداوندی کے بحرِ بے کراں
ایک ہی زینہ ہے اب بامِ مرادِ وصل کا
بے ملے تیرے ملے ممکن نہیں وہ دل ستاں