آؤ درود پڑھ کے کریں اس نبی کی بات – نعتیہ کلام

(مطبوعہ ’’الفضل ڈائجسٹ‘‘، الفضل انٹرنیشنل لندن 27 نومبر2020ء)

ماہنامہ ’’خالد‘‘ ربوہ نومبر و دسمبر 2012ء میں مکرم مولانا ظفر محمد ظفر صاحب کا نعتیہ کلام شائع ہوا ہے جس میں سے انتخاب ہدیۂ قارئین ہے:

آؤ درود پڑھ کے کریں اس نبی کی بات
ہے جس کی ذات باعثِ تخلیقِ کائنات
جس کی ضیاء سے چھٹ گئیں تاریکیاں تمام
روئے زمیں پہ چھا گئیں جس کی تجلّیات
لاکھوں دلوں کو لُوٹ لیا اِک نگاہ میں
میرے رسول پاکؐ کے کیا کیا ہیں معجزات
باد بہار بن کے وہ آئے جہان میں
سوکھے چمن کا ہو گیا سرسبز پات پات
ختم الرسولؐ ہمارے سراجِ منیر ہیں
روشن اُنہیں کے نُور سے ہے ہر نبی کی ذات