پیشِ نظر ہے بیعتِ صداقت کا راستہ – نظم

روزنامہ ’’الفضل‘‘ ربوہ 5 جون2012ء میں مکرم عبدالقدوس شہید کے حوالہ سے کہا گیا مکرم عبدالکریم قدسیؔ صاحب کا کلام شائع ہوا ہے۔ اس نظم میں سے انتخاب پیش ہے:

پیشِ نظر ہے بیعتِ صداقت کا راستہ
ہم نے چنا ہوا ہے سعادت کا راستہ
عبداللطیفؔ ہو کہ وہ عبدالقدوسؔ ہو
اپنا رہے ہیں ہنس کے شہادت کا راستہ
ہر شخص گھر سے نکلے پہن کر لباسِ صبر
ہر راستہ ہے اب تو اذیّت کا راستہ
آساں ہے دنیا چھوڑنا اپنے لئے مگر
مشکل ہے چھوڑ دینا محبت کا راستہ
دیوارِ ظلم اونچی کہاں تک اٹھاؤ گے
اپناؤ اور شوق سے شدت کا راستہ
اوپر ہے ایک منصفِ اعلیٰ براجمان
ہم جانتے ہیں اس کی عدالت کا راستہ