اے خدا سن اپنے بندوں کی پکار – نظم
جماعت احمدیہ کینیڈا کے ماہنامہ ’’احمدیہ گزٹ‘‘ جنوری 2011ء میں مکرم عبدالرحیم راٹھور صاحب کی نئے سال کی دعاؤں کے حوالہ سے ایک نظم شائع ہوئی ہے۔ اس نظم میں سے انتخاب ہدیۂ قارئین ہے:
اے خدا سن اپنے بندوں کی پکار
فضل و رحمت آسمانوں سے اُتار
نوع انساں کی خطائیں بخش دے
مغفرت ہے تیری ناپیدا کنار
اہل دنیا پر کرم کی ہو نظر
حق کی جانب پھیر دے جگ کی مہار
تیرے ہی فضل و کرم سے اے کریم
سالِ نَو لے آئے خوشیوں کی بہار
ابر رحمت خوب برسے سال بھر
آبِ عرفاں سے بھرے ہوں رُودبار