سچ اس کی خطا ہے یہ بتا کیوں نہیں دیتے … نظم

(مطبوعہ ’’الفضل ڈائجسٹ‘‘، الفضل انٹرنیشنل لندن 8؍مئی 2023ء)
روزنامہ ’’الفضل‘‘ ربوہ 12؍فروری 2014ء میں مکرم انورندیم علوی صاحب کی درج ذیل غزل شامل اشاعت ہے:

سچ اس کی خطا ہے یہ بتا کیوں نہیں دیتے
منصور کو سولی پہ چڑھا کیوں نہیں دیتے
شاید کسی گم گشتہ کو مل جائے ٹھکانہ
اِک دیپ اندھیرے میں جلا کیوں نہیں دیتے
پلکوں پہ لرزتے ہیں جدائی کے ستارے
موتی یہ محبت کے لُٹا کیوں نہیں دیتے
نفرت کی گھٹا نے کیے تاریک شب و روز
اس شب کو محبت کی ضیاء کیوں نہیں دیتے
اِک چاند تڑپتا ہے جدائی میں اکیلا
اس چاند کو تاروں سے ملا کیوں نہیں دیتے

50% LikesVS
50% Dislikes

اپنا تبصرہ بھیجیں