پیارے امامؑ! شوقِ لقا کا سلام لو – نظم

جماعت احمدیہ امریکہ کے ماہنامہ ’’النور‘‘ مارچ 2011ء میں مکرمہ ارشاد عرشی ملک صاحبہ کی ایک طویل نظم شامل اشاعت ہے جو اُس حدیث مبارکہ کے تناظر میں کہی گئی ہے کہ جب تم مہدی کا زمانہ پاؤ تو اُسے میرا سلام کہنا۔ اس نظم میں سے انتخاب ہدیۂ قارئین ہے:

پیارے امامؑ! شوقِ لقا کا سلام لو
مہدی مرے ، رسولِ خدا کا سلام لو
ہم آگئے ہیں دشت و جبل روندتے ہوئے
ہر مصلحت بہ بانگِ دُہل روندتے ہوئے
حسرت لئے ہوئے کئی نسلیں گزر گئیں
افسوس تیری دید کی چاہت میں مر گئیں
ہم خوش نصیب ہیں یہ زمانہ ہمیں ملا
قدموں کو تیرے چھُو کے خزانہ ہمیں ملا
تم نے خزانے آکے لُٹائے کئی ہزار
اتنے نشاں دکھائے کہ جن کا نہیں شمار
جَائَ الْمَسِیْح کی آئی صدا آسمان سے
چھُو کر زمیں کو گونج اُٹھی ہر مکان سے
اپنی گلی کے ایک گدا کا سلام لو
مہدی مرے ، رسولِ خدا کا سلام لو

50% LikesVS
50% Dislikes
0

اپنا تبصرہ بھیجیں