چاہت کی یہ رُوداد رقم ہو کے رہے گی – نظم

روزنامہ ’’الفضل‘‘ ربوہ 7 جنوری 2011ء میں مکرم عبدالصمد قریشی صاحب کی ایک نظم بعنوان ’’میرے سچ کی گواہی‘‘ شامل اشاعت ہے۔ اس نظم میں سے انتخاب ہدیۂ قارئین ہے:

چاہت کی یہ رُوداد رقم ہو کے رہے گی
اک روز ختم شامِ اَلم ہو کے رہے گی
ہو جائیں گے سب دُور غمِ ہجر کے سائے
دیوانوں پہ اب نظرِ کرم ہو کے رہے گی
کب تک کوئی روکے گا محبت کی ہوا کو
نفرت کی یہ دیوار ختم ہو کے رہے گی
رکھو گے کہاں تک اسے پابندِ سلاسل
اک روز تو توقیرِ قلم ہو کے رہے گی
سینچا ہے اسے ہم نے سدا خونِ جگر سے
یہ خاکِ وطن دیکھنا نَم ہو کے رہے گی
یہ میرا لہو دے گا میرے سچ کی گواہی
خوشبو میری ہر دَور میں ضَم ہو کے رہے گی

50% LikesVS
50% Dislikes

اپنا تبصرہ بھیجیں