ہائے وہ سر جو رہِ یار میں قربان نہ ہو – کلام حضرت صاحبزادہ مرزا بشیر احمد صاحبؓ

روزنامہ ’’الفضل‘‘ ربوہ 23 جنوری2008 ء میں محترم حضرت صاحبزادہ مرزا بشیر احمد صاحبؓ کا درج ذیل کلام شامل اشاعت ہے۔

ہائے وہ سر جو رہِ یار میں قربان نہ ہو
وائے وہ سینہ کہ جو عشق میں بریان نہ ہو
ہاتھ گر کام میں ہو دل میں ہو ربّ ارباب
کوئی مشکل نہیں دنیا میں کہ آسان نہ ہو
نسل آدم ہے تو ابلیس کے پیچھے مت جا
بندہ رحمن کا بن بندۂ شیطان نہ ہو
ہوں گنہگار ولے ہوں تو ترا ہی بندہ
مجھ سے ناراض ترے صدقے مری جان نہ ہو
یاس اک زہر ہے بچ اس سے بشیر عاصی
فضل ہو جائے گا اللہ کا پریشان نہ ہو