ہر ذرّے کے لب پہ صدا ہے اَنْتَ رَبِّیْ ، اَنْتَ رَبِّیْ – حمدیہ کلام

روزنامہ ’’الفضل‘‘ ربوہ11اگست 2008 ء میں مکرمہ ارشاد عرشی ملک صاحبہ کا حمدیہ کلام شامل اشاعت ہے۔ اِس کلام میں سے انتخاب پیش ہے:

ہر ذرّے کے لب پہ صدا ہے اَنْتَ رَبِّیْ ، اَنْتَ رَبِّیْ
گو کہنے کی طرز جدا ہے اَنْتَ رَبِّیْ ، اَنْتَ رَبِّیْ
ہر لمحے کی کوکھ سے پیہم تازہ لمحے پھوٹیں
ہر لمحہ مصروفِ ثنا ہے اَنْتَ رَبِّیْ ، اَنْتَ رَبِّیْ
تو خالق ہے تو مالک ہے حکم تجھی کو زیبا
کام مرا تسلیم و رضا ہے اَنْتَ رَبِّیْ ، اَنْتَ رَبِّیْ
فن کی بھیک عطا کر مالک تیرے نغمے لکھوں
عجز قلم کو روک رہا ہے اَنْتَ رَبِّیْ ، اَنْتَ رَبِّیْ
0
یہ مضمون شیئر کرنے کے لئے یہ چھوٹا لنک استعمال کریں۔ جزاک اللہ [https://khadimemasroor.uk/feGTJ]

اپنا تبصرہ بھیجیں