دلوں کو آشتی مل جائے سب لوگوں کا ارماں ہے – نظم

روزنامہ ’’الفضل‘‘ ربوہ 14؍جولائی 2007ء میں مکرم مبارک احمد عابدؔ صاحب کا کلام بعنوان ’’امن کا نور‘‘ شائع ہوا ہے جس میں سے انتخاب ہدیۂ قارئین ہے:

دلوں کو آشتی مل جائے سب لوگوں کا ارماں ہے
اسی اک بات کا شیدا نئی دنیا کا انساں ہے
یہاں امن و سکوں کے واسطے انسان آیا تھا
زمیں پر زندگی بے چینیوں سے تنگ داماں ہے
سکوں کے چاہنے والو ! سکوں پاؤ بِذِکْرِ اللہ
کلام اللہ میں امن و سکوں کا نور پنہاں ہے
بڑا ہی پُر بصیرت مہدیٔ دوراں کا فرماں ہے
’’قمر ہے چاند اوروں کا ہمارا چاند قرآں ہے‘‘