وہ ایک شخص جو تازہ ہواؤں جیسا تھا – نظم
محمود احمد ملک
جماعت احمدیہ امریکہ کے ماہنامہ ’’النور‘‘ دسمبر 2010ء میں مکرم مرزا محمد افضل صاحب کی ایک غزل شائع ہوئی ہے جس میں سے انتخاب ہدیۂ قارئین ہے:
وہ ایک شخص جو تازہ ہواؤں جیسا تھا
مہک رہا تھا معطّر فضاؤں جیسا تھا
ہزاروں درد سے بے چین غم زدوں کے لئے
حصار امن ، محبت سراؤں جیسا تھا
اسی کے اشک سے روشن سبھی چراغ ہوئے
وہ خود غریب تھا لیکن عطاؤں جیسا تھا
وہ اپنی ذات میں اِک بے کراں سمندر تھا
خلوص و مہر و محبت میں ماؤں جیسا تھا